Beskrivelse

Verkstaden er forankra i kunnskapsområdet Samfunn, religion, livssyn og etikk (SRLE) og tematiserer fleirkulturelt foreldresamarbeid. Deltakarane blir varme i trøya med enkle kommunikasjonsleikar og ei lytteøving, undersøker eigne ståstadar gjennom ei tau-øving om komfortsoner, og arbeider eksperimenterande med ei ark-modell for små utprøvingar i praksis. Til slutt bruker vi refleksjonsbok, walk-and-talk (gå-og-snakk) og plenumsamtale for å knyte erfaringane til SRLE-faget, teori og rammeverk – og til konkrete anbefalingar for barnehagepraksis.

Mål
**Kommunikasjon i møte med mangfald:** Øve blikkkontakt, namnebruk og aktiv lytting.
**Perspektivtaking:** Utforske eige ståstad og røre seg mot ønskja praksis (tau-øving).
**Utforskande profesjonsblikk:** Bruke **eksperiment-modellen** til å designa små, prøvbare grep i foreldresamarbeid.
**Kroppsleg erfaring → etisk refleksjon:** Kjenne «nær/avstand» på kroppen og drøfte konsekvensar for inkludering.
**Forankring i SRLE:** Knyte aktivitetane til teori, styringsdokument og vidare arbeid i praksis.

DBR-moddelen. Skovbjerg et al., 2024

Rettleiing

Varigheit: ca. 3 timar og 45 min (kan justerast).
Format: plenum + arbeid i par/smågrupper.
Roller: Éin hovudfasilitator + medfasilitator(ar).
Stad: stor sal/klasserom med god golvplass.

Forslag til program

Velkomst & rammer (15 min) – formål + to enkle «god-dag»-øvingar (namn/blikk).
Lytteøving (30 min) – 1 min taletid kvar om «kva er viktig i fleirkulturelt foreldresamarbeid», bytt roller.
Tau-øving (20–25 min) – «Kor komfortabel er du med å ta kontakt med foreldre med anna språk?» Plassér deg på lina, samtal i par, del i plenum.
Refleksjon i bok (10–20 min) – korte individuelle notat knytt til øvingane.
Eksperiment-modellen (30 min) – «spør arket»: formuler spørsmål → planlegg mini-eksperiment → kopla til foreldresamarbeid.
Lek: nær/avstand (15–20 min) – stille bevegingsleik; deretter etisk/relasjonell refleksjon.
Walk-and-talk (20 min) – knyt erfaringar til SRLE-teori og rammeverk i par/trekløver.
Plenum & landing (20–30 min) – del nøkkelpunkta; formuler 1–2 praksisgrep som skal testast i barnehage.

Utstyr

Refleksjonsbøker/hefte, pennar, A4-ark, tau (langt), enkel materialkasse, lim/teip, PC/projektor.

Tips for kvalitet

Set ein varm, trygg tone tidleg; bruk namn og blikk for å senke terskelen.
I tau-øvinga: la deltakarane også plassere seg der dei ønskjer å vere, og snakk om vegen dit.
I eksperimenta: be gruppene formulere eitt lite forsøk dei kan prøve i praksis (t.d. systematisk handhelsing i garderoben ei veke) – og korleis dei vil sjå effekt.
Bruk refleksjonsbok og walk-and-talk for å forankre i SRLE, ikkje berre samle inntrykk.